ကျွမ်းနေသော မီးသီးများ တပ်ဆင်ကြမည်

သေကွင်းသေကွက်လေးလှဖို့
နေကွင်းနေကွက် လေးရွေးရွေးပြီး
ခေတ်ကို ပေးပေးနေရတာ
တစ်ခါတစ်ခါတော့
တန်တယ်လို့ မထင်မိတော့ဘူး ။

ဟောဒီဖန်သီးလေး တစ်လုံးလင်းဖို့
အကြိမ်ပေါင်းများစွာ စမ်းသပ်ခဲ့ရတဲ့
အက်ဒီဆင်ရေ ..
တကယ်တော့ စမ်းသပ်မှုဆိုတာ
သက်မဲ့မီးလုံးတွေကိုသာမက
သက်ရှိတွေရဲ့ စိတ်မီးလုံးအပေါ်ပါ လိုအပ်နေတယ်
ကျုပ်ဒီလိုယူဆတာဖြင့် ခင်ဗျားကန့်ကွက်မယ်မထင်ပေဘူး ။

ဆိုလိုချင်တာက
ကျုပ်လည်းစမ်းသပ်ခဲ့ပါတယ်
တစ်ခါတစ်လေမှာ ဘာမှမသိတာက သိနေတာထက်ပိုကောင်းနေသလို
အိပ်ချင်ယောင်ဆောင်နေရတာထက် အိပ်နေရတာက ပိုပြီး နှစ်နှစ်ခြိုက်ခြိုက်ရှိတယ်မဟုတ်လားဗျာ
မြင်ရပြီထင်ပေမယ့် အရောင်အလင်း တကယ်ပဲလိုအပ်နေခဲ့တယ်ဆိုတာ
အစရှိ သည် ဖြင့် ၍ မှာ ပေါ့ဗျာ ။
စိတ်အဆာတွေကတစ်ဆင့် ကျုပ်သိမြင်ခဲ့ရတယ် ။

ဘာပဲပြောနေနေပါ
ဟောဒီကမ္ဘာပေါ်မှာ လေတွေတိုက်နေသမျှတော့
ဘက် ဆိုတာကပါနေဦးမှာပဲ ။
ဒါဟာ မလွဲမသွေ အမှန်တရားတစ်ခုလို့တော့ဖြင့် ကျုပ်မယူဆဘူး ။
ကမ္ဘာကြီး ကိုယ်တိုင်ကိုက တစ်ဘက်စောင်းနေတာဆိုတော့
ကျုပ်တို့လည်း နိမ့်တဲ့ဘက် ဖိမိကောင်းဖိမိမှာပေါ့လေ ။

ဒီလိုပေါ့
ခင်ဗျားရဲ့ ဖန်သီးလေးလည်း အကြိမ်ပေါင်းများစွာ
အဖွင့်အပိတ်လုပ် လင်းလိုက်မှိန်လိုက်
ကျုပ်တို့ စိတ်မီးလုံးလေးလည်း အကြိမ်ပေါင်းများစွာ
အဖွင့်အပိတ်လုပ် ရှင်လိုက်သေလိုက်
ပြီးတော့လဲ ကျွမ်းသွားတာပါပဲဗျာ
အဲဒီ တစ်ချက်လေး အတွက်ပဲ ဆက်ဆက်ပြီး အဖွင့်အပိတ်လုပ်တုန်း ။ ။

ဗသားချော