ရိုးသားစွာ ... ကြွေဆင်း


ဘယ်ကိုလဲကွယ်
လာလိမ့်နိုးနဲ့
လျှောက်ခဲ့တဲ့ လမ်းမကြီးကို ငေးလို့
ကားတွေက ဝီခေါ်အောင် မောင်းသွားတဲ့အခါ
နှလုံးသားဟာ ကတ္တရာ လမ်းမနဲ့အတူ ပြားကပ်ကျန်ခဲ့တယ်။

ဘယ်လိုလဲကွယ်
မေးလိမ့်နိုးနဲ့
တစ်နေ့ကို အခါတစ်ရာ ထိုင်ဖြေခဲ့တဲ့ ခုံတန်းလျားလေးဘေးမှာ
အတွဲတွေ အလျှိုလျှို ဝင်ထိုင်သွားအခါ
ခုံတန်းနဲ့အတူ လူတစ်ယောက် အထီးကျန်လှတယ်။

ဘယ်မှာလဲကွယ်
ခေါ်လိမ့်နိုးနဲ့
အသဲကွဲသီချင်းသံကို လျှော့ချလိုက်မိတယ်
မင်းအသံလေး မကြားရတဲ့အခိုက်မှာ
တပ်တပ်မက်မက် လွမ်းဆွတ်ရတယ်ကွယ်။

ဘယ်ကိုလဲ မသိပါ
ဘယ်လိုလဲ မသိပါ
ဘယ်မှာလဲ မသိပါ
ချစ်သူရေ...
ဟောဒီ ချစ်ခြင်းဥယျာဉ်ထဲမှာ
ငါက ဒဏ်ရာဟောင်းတွေကို တူးဆွကောင်းနေတုန်း။

အသဲကွဲသမားဟာ အပြစ်ကင်းတယ်
အဆွေးသမားဟာ အပြစ်ကင်းတယ်
လွမ်းတယ်ဆိုတာ အချစ်သူအပေါ် အရိုးသားဆုံး ကြွေဆင်းမှုဖြစ်တယ်

သို့...
ဧကရီရေ...
ခပ်ရဲရဲလေး ကြွေဆင်းပါရစေကွယ်...။

ရိုးမြင့်အောင်

လတစ်စင်းရဲ့ ချစ်ခြင်း




အခုလို

အေးချမ်းလှပတဲ့ နေ့တစ်နေ့မှာပဲ

ငါ့ဘဝရဲ့ … လတစ်စင်းဟာ

ညှို့ဓါတ်အပြည့်နဲ့ လင်းလက်တောက်ပခဲ့တယ်။


လမင်းလေးရေ….

မင်းလိုမယ်ဆို ငါ့ရင်ဟာ ကမ္ဘာမြေဖြစ်တယ်

မင်းလိုမယ်ဆို ငါ့ရင်ဟာ နေတစ်စင်းဖြစ်တယ်

ကိုယ်တိုင်ပဲ မင်းကို အလင်းပေးချင်ပေးရပါစေ

ဒါမှမဟုတ် မင်းအလင်းတွေ ငါ့ပေါ်ပဲကျရောက်ပါစေ

နှမျောတွန့်တိုမှု တစ်စက်မရှိခဲ့ပါဘူး….။

(ကြယ်တာရာတွေတော့ မဖြစ်ချင်ဘူးကွယ်။)


ငါ့ကိုဖမ်းစားဖို့ ဘယ်လိုဆုတောင်းများ ပြည့်ခဲ့သလဲ

နှလုံးတစ်ချက်ခုန်တိုင်း စူးနှစ်ခံစားတယ်

အပြုံးတစ်ချက်မြင်တိုင်း မူးယစ်ခံစားတယ်

မင်းအကြည့်တစ်ချက်အောက်မှာ ငါ့စိတ်တွေ တိုးလျှိုးခစားလို့

ဘဒ္ဒကမ္ဘာမှာ ငါလောက်မင်းကို ချစ်တဲ့သူ ရှိမလားကွယ်။

(မင်းလောက်ငါ့ကို ချစ်တဲ့သူရော ရှိမတဲ့လား။)


ချစ်ခြင်းမေတ္တာဆိုတာ

တစ်ဦးကိုတစ်ဦး မှော်အတတ်နဲ့ ပြုစားလိုက်သလို

ငါ့ခန္ဓာဟာ မင်းစေရာ၊ မင်းခန္ဓာဟာ ငါ့စေရာ

စုတ်တစ်ချက် မသပ်ပါဘူး မင်းစေလိုရာစေ…။


မှောင်မိုက်တဲ့အချိန် ငါ့ကို လမ်းပြပါ

ပူလောင်တဲ့အချိန် ငါ့ကို အေးမြပါ

ကျဆုံးတဲ့အချိန် ငါ့ကို ယုယပါ

လမင်းရေ… ရင်ခွင်တစ်ခုရဲ့ အငွေ့အသက်တွေ

ခပ်နွေးနွေးလေး ပေးပါကွယ်။


လမင်းလေး… မမကျော့ရေ…

မွေးဖွားကတည်းက သောကတွေအပြည့်နဲ့ သူ့အတွက်

ငါဟာ လူရွှင်တော်တစ်ယောက်ဖြစ်တယ်

စိုးရွံ့အားငယ်သူအတွက်

ငါဟာ သူရဲကောင်းတစ်ယောက်ဖြစ်တယ်

၂၉ နှစ်ပြည့် မမကျော့အတွက်

ငါဟာ ရိုးသားတဲ့ ခင်ပွန်းတစ်ယောက်ဖြစ်တယ်

မိုးပျံပူဖောင်းလေးတစ်လုံးလို ဝေ့ဝေ့တက်ရင်း

ချစ်သူလက်ကို မြဲမြဲကိုင်ထားတာ ငါဖြစ်တယ်…။


ရိုးမြင့်အောင် (၁၁.၁၀.၂၀၀၉)


 
©2009 က+ဗျာ+လှည်း | by TNB