Image Link
ထိုင်နေတယ်
....
မပြည့်စုံနိုင်ရှာပဲ ရှူသွင်းနေရတဲ့ ၀င်လေ
မသက်မသာ မဆင်မခြင်ထွက်သွားတဲ့ ထွက်လေ
ထိုင်နေရင်းပဲ မောလာရတဲ့ အသက်
အဲဒါတွေ မပါရင်တော့ သမာဓိလို့ ပြောလို့ရရင် ရမှာပေါ့
အလိုမကျဘူးရယ်လို့ စကားလုံးဖလှယ်ဖို့ကိုမေ့
ဖြစ်ချင်တာတွေ အားလုံးက
စဝေပြီဆိုကတည်းက တစ်ထွေမှ မရတာ
အဆီအငေါ်က အမြဲ လွဲနိုင်လွန်းတော့
ဘာပဲဆိုဆို ဘာပဲပြောပြော ဘယ်လိုပဲလာလာ
အလွဲပဲ ထင်တတ်တော့တယ်/ပြန်ပြောနေချင်မိတယ်
တစ်ယောက်တည်းပဲ အသက်ဝင်တဲ့ ပြစ်ဒဏ်ဘောတွေ
တစ်ယောက်တည်းပဲ စိုးရိမ်တဲ့ ကျန်းမာရေး အစီရင်ခံစာတွေ
တစ်ယောက်တည်း ကစားရင်း ရှုံးနိမ့်
တကယ်ပြောရမယ်ဆို (ပြောကိုပြောချင်တာ)
ယဉ်ကျေးသူများရဲ့ လူ့ယဉ်ကျေးမှု တစ်ရှုးဖတ်ဟာ
ရင်ဘတ်တွေကို နင်းပြီးတော့မှ
ထွက်ကျလာတဲ့ အဖြေတစ်ခုပါ
ဘာမှန်း မသိလို့ အဓိပ္ပါယ်မဲ့နေတာ
အဲဒီ အဓိပ္ပါယ် မဲ့နေတာကိုပဲ ဘာလို့ ထိုင်နေမိပါလိမ့်
မျက်စေ့ထဲ ၀င်းဝင်းလက်လက်နဲ့
ရှုပ်ရှုပ် ခတ်ခတ် ရုတ်ရုတ် သဲသဲ ဖြစ်တယ်
ဥသြဆွဲသံ ....
ဒါဖြင့် ရထား ... လာ .... နေ ..... တာ ..
သြော်
ငါ .. စောင့်နေတာပါလား ။ ။
ဗသားချော
ငံ့လင့်
Subscribe to:
Post Comments (Atom)
0 Comments:
Post a Comment