"သူငယ်ချင်း"



မူးပဲဖြစ်ဖြစ် ချောင်းပဲဖြစ်ဖြစ်
စမ်းပဲဖြစ်ဖြစ် စိမ့်ပဲဖြစ်ဖြစ်
မြစ်ထဲကိုစီးပြီးရင်တော့ ပင်လယ်ဆီသွားမှာပဲ
ငါတို့ သူငယ်ချင်း အစုဟာ ပင်လယ်ဖြစ်တယ် ။

အရက်တစ်လုံးမှာ ဘယ်နှစ်ပက်ပါသလဲ မမေးနဲ့
၈ ယောက်ရှိလို့ ၂ပတ်လည်ရင် တော်ပြီ
ဆေးလိပ် တစ်ပွဲမှာ ဆေးလိပ်ဘယ်နှစ်လိပ်ပဲ ပါပါ
တစ်ယောက်နှုတ်ခမ်းကနေ နောက်တစ်ယောက်နှုတ်ခမ်း
မီးခိုးမပြတ်တမ်း ရှိုက်ဖွာ ခံရမှာပဲဖြစ်တယ် ။

စစ်ရေးပြတစ်ခုလို ယိမ်းတစ်ခုလို
တစ်ယောက်ညို့ရင် အကုန်လိုက်ညို့
တစ်ယောက်ခြိမ်းရင် အကုန်လိုက်ခြိမ်း
တစ်ယောက်ရွာရင် အားလုံးက ထစ်ထစ်ချုန်းချုန်း

မန်ယူအသင်းရဲ့ အောင်ပွဲဟာ
အားလုံးရဲ့ မျော်လင့်ချက်ဖြစ်လား ဖြစ်ခဲ့တယ်
ကျဆိမ့် တစ်ခွက်ဟာ အားလုံးအပေါ်
တစ်ငုံစာစီ ဖြစ်လား ဖြစ်ခဲ့တယ်

သူ့အင်္ကျီဟာ ငါ့အင်္ကျီ
ငါ့ဘောင်းဘီဟာ သူ့ဘောင်းဘီ
ဒီကောင့် ပုဆိုးဟာ ဟိုကောင့်ပုဆိုး
ဟင်းတစ်အိုးတည်းမှာ ဇွန်း ၁၀ချောင်းပြုံလို့
ဒွေးရောယှက်တင်
လုံးလားထွေးလား
မုန့်လုံး စက္ကူကပ်
ကြာကလပ်ပေါ်မှာ အားလုံးဆွမ်းတော်တင်

ဂစ်တာကို ဒေါင်ဒေါင်ဒင်ဒင်ခတ်မယ်
တစ်ယောက်က တီး တစ်ယောက်စီအတွက်တီး တစ်ပုဒ်စီတီး
ပါးစပ်ကတီး လက်ကတီး
ပါးစပ်ကဆို လက်ကဆို
Chorus ဆို ဂစ်တာသံကိုဖုံးလို့ဆို
မတီးလည်းဆို တီးလည်းဆို
မဆိုလည်းတီး ဆိုလည်းတီး
မတီးလည်းက တီးလည်းက
မကလည်းတီး ကလည်းတီး
အစွဲကြီး အလမ်းကြီးမထားပဲ ပွဲကြီးလမ်းကြီးများမယ်ဟေ့ ။

သူ့အိမ် ငါ့အိမ် မင်းအိမ်
မင်းညီမ သူ့ညီမ ငါ့ညီမ
အပြန်အလှန် ကူလူး ဆက်နွယ် ယှက်ဖြာ
အဲဒီမှာ ပွင့်တဲ့ပန်းတွေကိုတောင် အမည်မပေးရသေးဘူး
“ ဧည့်သည် ပါတယ်ဟေ့ ”
ခပ်ရီရီတစ်ချက်နဲ့ ခပ်သွက်သွက်တစ်ခွန်းလှမ်းပြော
“ သွားစမ်းပါကွာ
ဒီဝိုင်းက တစ်ခွက်ဝင်ပြီးလို့မှ သူစိမ်းဖြစ်နေသေးရင်
အဲဒီ သူစိမ်းကို အမြည်းလုပ်ပစ်မယ် .. လာ ”
အဲဒီလိုနဲ့ပဲ ခွက်တွေလေထဲမှာ ကြွပျံတက်လို့ ဘောင်ဘင်ခတ်မိတယ်

စကားဝဲသူ စကားနည်းသူ မရှိရဘူး
စကားပြောပြီး တအား ဖော စေရမယ်
Tsar* ခေါင်းလောင်းကြီးလည်း အသံမြည်အောင် ထိုးပစ်လို့ရတယ်
MrBean ကြီးမှိုင်အောင်လည်း ပြောကြမယ်
နက်သထက်နက်တဲ့ ညတွေ
အဆက်မပြတ် မျောဝင်စီးဆင်း
သတင်း အတင်း အဖျင်း
ငြင်းကြခုန်ကြ အော်ကြဟစ်ကြ

သူ့ဇယားက ကိုယ့်ဇယား
သူ့အကွက် ကိုယ့်အကွက်
ရှင်းလိုက် ရွေ့လိုက်
တစ်ခါတစ်လေ မိုက်ချင်လည်းမိုက်တယ်
အိမ်မရှိ ယာမရှိ
နေ့မသိ ညမသိ
အချိန်မသိ နာရီမကြည့်
ရှိရင်လည်းရှိသလို မရှိရင်လည်းမရှိသလို ပျော်မွေ့နေတတ်တယ်
အော်ဟစ်ဆဲဆို ရန်တွေဖြစ်ပြီးမှ ပြန်ချစ်တယ်
တစ်မိုးတည်းနေ
တစ်ခွက်တည်းသောက်
တစ်ကိုင်းတည်းနား
တစ်ခုတင်တည်းအိပ်
တစ်ချိန်တည်းမှာပဲ ငါတို့ဟာ လင်မယားဖြစ်ခဲ့တယ်
တစ်ယောက်မျက်နှာ တစ်ယောက်ကြည့်လို့

အဲဒီပင်လယ်ကြီးဟာ
တစ်ခါတစ်ရံ ဆူညံတာကလွဲရင်
အမြဲတမ်း ငြိမ်သက်စည်ဝေ
လင်းလွတ်ပေါ့ပါး ကြွပျံလွှင့်တက်လို့
ဒီနေ့အထိပဲ ။

ဗသားချော
* : Russia ရှိ ကမ္ဘာ့အကြီးဆုံး Tsar ခေါင်းလောင်း ။ ခေါင်းလောင်း နှုတ်ခမ်း ပဲ့နေသောကြောင့် တီး၍မရပါ ။

7 Comments:

Apprenticeship said...

စစ်ဗိုလ်လေးတွေရဲ့ ဘ၀တစ်စေ့တစောင်းပေါ့..
ကဗျာလေးက ထင်းကနဲမြင်စေတယ်။။။ ဒါနဲ့ ဒီက လက်တွေက ဒီကဗျာနဲ့ ဘယ်လို ပတ်သက်လဲ ?

MieMie said...

တမိုးတည်းနေ, တခုတင်တည်းအိပ်လို့ရပေမဲ့ တခွက်တည်းတော့ မသောက်ပါရစေနဲ့ ချစ်တော့ ချစ်တာပေါ့ ဒါပေမဲ့ ရောဂါကူးမှာကြောက်တယ်( စ,တာပါ ) .....
ကဗျာလေးနှစ်သက်မိပါတယ်...ကောင်းတယ်ဗျို့ ....
mie nge

Anonymous said...

ခပ်ရီရီတစ်ချက်နဲ့ ခပ်သွက်သွက်တစ်ခွန်းလှမ်းပြော
“ သွားစမ်းပါကွာ
ဒီဝိုင်းက တစ်ခွက်ဝင်ပြီးလို့မှ သူစိမ်းဖြစ်နေသေးရင်
အဲဒီ သူစိမ်းကို အမြည်းလုပ်ပစ်မယ် .. လာ ”
အဲဒီလိုနဲ့ပဲ ခွက်တွေလေထဲမှာ ကြွပျံတက်လို့ ဘောင်ဘင်ခတ်မိတယ်

အိုင်လွယ်ပန် said...

ကောင်းဗျာ ...
တမ်းတမိနေတာနဲ့ အတော်ပဲ ......

ဆောင်းယွန်းလ said...

ကောင်းလိုက်တဲ့ကဗျာ
မျက်စိထဲအားလုံးမြင်သွားစေတဲ့အထိ
ရပ်ကြည့် ဖတ်မိသွားတယ် ညီရေ့

ဖြိုးငယ် said...

အချက်ထိတယ် .. ကွက်တိပဲ ..
အပိုအလိုမရှိ ရင်ကိုထိတယ်ဟေ့ ....

မင်းကျန်စစ်။ said...

မျှားပြာနဲ့ ကျုပ်နယ်သားကို သတိအရဆုံးပဲဗျာ...း(

 
©2009 က+ဗျာ+လှည်း | by TNB