အပင်းဆို့နေတဲ့ကောင်




အတန်တန်တားထားရက်နဲ့
စည်းပေါက်သွားတဲ့ ငါ့နှလုံးသားကို
ညည်းက
(ညည်းရဲ့) ချစ်ခြင်းတွေနဲ့ အပင်းသွင်းခဲ့တယ်
မထွေးနိုင် မအန်နိုင်
အတိအကျကိုပဲ မဟန်နိုင်ခဲ့ပါဘူး ။

ဟောဒီ မြောက်ဘက်မှာ
လေသရမ်းလေးစွက်လို့
မျက်စောင်းလေးများ ညပ်လာရင်ဖြင့်
အဘရဲ့ ဆေးကြိမ်လုံးကိုလည်း
ငါလုံးလုံးမမှုပေဘူး
စုန်းရှိမှ ရွာတည်လို့ရကြေးဆို
ငါ့ရဲ့ မြောက်ဘက်တောင်ကုန်းကို
ရွာလုံးလုံးပြုလို့ရပြီကွဲ့ ။

အတွေးအမြင် ပြတ်တာနဲ့
ရင်ဘတ်ကိုပြေး ပြေးကပ်လာတဲ့
အို... ပြုစားရက်သူကြီးငဲ့
မငြင်းပါနဲ့ကွယ်
ညည်းက ၀မ်းတွင်းစုန်းပါတဲ့
ညည်းမျက်စောင်း တွေက သက်သေခံနေတယ်လေ ။

ခုလည်း
အပြုစားခံထားရမှန်းသိရက်နဲ့
ညည်းရှေ့များရောက်ရင်
အပင်းသွင်းခံထားရတဲ့ နှလုံးသားကို
ဖုန်လေး စတိသဘောသုတ်
အဟုတ်ကြီးမှတ်နေတုန်းပဲ ။

ဗသားချော

5 Comments:

အိုင်လွယ်ပန် said...

ဆို့တတ်လိုက်တာဗျာ :)
ကဗျာကောင်းသဗျို့ .....

MMG said...

ဝမ်းတွင်းစုန်း တဲ့လား

ကိုရင်ညိန်း said...

ကွန်မန့် မရဘူး ဆိုလို မန့်ကြည့်တာ
ဟုတ်ပါ့မလား...
ကိုင်း..
ဟပ်ချလောင်း ..
အဟေးဟေး ...

ဖြိုးငယ် said...

စုန်းပြုတာ ခံနေရတာကို .. ကြည့်လုပ်ဦးကိုယ့်ဆရာ

Apprenticeship said...

အင်း အဲဒီ စုန်းက အတော်ကြောက်ဖို့ကောင်းတယ် မီးမီးကြောက်ကြောက်...

 
©2009 က+ဗျာ+လှည်း | by TNB